BAZANIA

BAZANIA

Familia Hispaniae illustris. In ea floruit circa A. C. 1000. in regno Navarrae Alfonsus Gonsalus de Bazan, Dn. de Bazan: a quo descenderunt Domini de la Valduerna, nominis de Bazan; e quibus postea titulum Vicecomitis obtinuit Petrus Gonsalus, Pater Iohannis et Alvari I. quorum ille Vicecomites de Valduerna et Dominos de Banneza propagavit, successione dein, per neptem Mariam, ad Franciscum de Zuniga et Avellaneda Comitem de Miranda transsatâ. Qui celebris belli in Mauros Dux filium cognominem, itidem bellis, inprimis maritimis, clarum genuit: patrem Alvari tertii, primi Marchionis S.Crucis de Santacruz: a quo filius et nepos Alvari omen ac dignitatem patriam atque avitam accepêre. Eô enim et Mariâ Manueliâ Ben avidiâ, nati sunt: Alvarus IV. pater Alvari V. (ex uxore Gutomara Manricia de Lara) Franciscus Eques Calatravae, Petrus Eques Alcantarensis (cui uxor obtigit Maria Mendozia) Anna Isabella de la Cueva (uxor Alfonsi Portocarreri Marchionis Villaenovae) Maria Manuel Benavidia (uxor Francisci Benavidii et de la Cueva Comes de Santistevan) qui hôc saeculô floruerunt. Vide Phil. Iacobum Spenerum Theatrô Nobilitatis Europ. tom. 2. ex Alt. Lopezii de Haro opere Geneal.